人氣動漫唔止要主角同劇情吸引，一班綠葉角色同樣重要，尤其係對《To LOVE Darkness》呢類後宮作品嚟講，更加要有一班迷人女角撐場。雖然漫畫早喺2017年3月結束連載，但至今3年幾，相關角色嘅模型長出長有，最新登場係人氣拍得住主角嘅綠葉提亞‧露娜提克。
作為動漫迷眼中嘅寵兒，提亞‧露娜提克嘅模型已出過好多次，今次以暗黑造型登場，相當有新鮮感。所謂暗黑嘅意思，就係佢會化身性感女惡魔示人，換上露肉度超高嘅服裝，令一對激凸巨乳呼之欲出。據模型師指出，為咗令角色睇起嚟更有質感，佢花咗唔少時間修改其巨乳。另外，從後面欣賞，你仲會發現一個圓渾嘅美股，真係相當吸睛。