弱質纖纖嘅女孩子，我見猶憐，好多男士面對佢哋都會突然間Man起上嚟，好想去保護佢，而喺日本寫真界就有一位體弱多病嘅美少女，迷倒唔少男粉絲，佢就係根本凪！雖然阿妹身子弱咗啲，但係鬥心都幾強，為咗迎接夏日，仲換上性感水着，將自己充滿陽光氣息嘅一面展現出嚟！
童顏巨乳嘅女優喺日本寫真界一向非常吃香，就算掌門人篠崎愛唔再拍性感相，依然有好多養眼嘅選擇，諸如活潑鬼馬嘅RaMu、貌似純真嘅天木純、健美感十足嘅寺本莉緒，以及今日同大家見面嘅根本凪。今年21歲嘅根本凪，天生一副日本娃娃樣，得意可愛，自從改善埋斜眼問題，樣子更加甜美迷人。身材方面，根本凪係正宗小巧型，卻擁有迷人嘅曲線，尤其係一對脹卜卜且白白嫩嫩嘅美巨乳，更抓住咗好多男士嘅眼球。值得一提，好多以童顏巨乳作招徠嘅女優，條腰通常比較粗，幸好根本凪冇呢個問題，所以睇落更加吸引。之不過，阿妹嘅外形睇落好健康，但原來體質麻麻哋，經常抱恙，真係估佢唔到！
2013年，根本凪以候補生身份加入水戶偶像Neg，但後來因為排練同演出太多，搞到身體情況欠佳，翌年5月就辭退脫出。不過，根本凪始終係鍾意做歌手，兩個月之後就加入另一個偶像團體彩虹征服者，到現時則兼任團體電波組.inc成員。由於身子一向唔多好，咁多嘢做又搞到健康出問題，早前阿妹又因為身體不適而缺席咗一次直播節目，真係令人擔心。雖然受健康問題拖累，但根本凪一直好努力展現自己充滿陽光氣息嘅一面，經常同彩虹征服者成員一齊作性感演出，好似最近，團體又推出迎接初夏嘅新歌《サマーとはキミと私なりっ！！》，阿妹同隊友齊齊換上鮮艷奪目嘅泳裝演出MV，感覺上好有活力，睇到人都想去沙灘玩吓呢！
最近根本凪經常同彩虹征服者嘅隊友一齊出動，周圍宣傳新歌，想了解呢首歌有幾夏日Feel，又想知道阿妹做咗邊啲宣傳活動，可以Click入佢嘅社交網睇睇。
網址：https://twitter.com/nemoto_nagi?lang=ja
年齡：21歲
身高：5呎
三圍：35-23-34
撰文：賢