講到被人洩密，冇乜邊個唔介意，而對於注重形象嘅女神嚟講，最怕面對嘅事，莫過於自己嘅密照被曝光，畢竟外界嘅反應難以捉摸；另一種洩，同樣令好多女性為之苦惱，就係性伴侶早洩，之前就有個相關調查，究竟女人點睇呢個問題，男士們真係要認真了解吓。
喺日本寫真界，數到童顏巨乳嘅代表，人氣女優篠崎愛絕對有力佔一席位，雖然佢喺近年已轉戰韓國藝能界，但係當年拍下嘅寫真仍然好受日本網民歡迎，甚至被奉為經典，加以收藏。2006年於原宿街頭被發掘嘅篠崎愛，憑住一副萌樣加上34G巨乳，喺寫真界極速走紅，但近年已極少影寫真。早前，日本雜誌《YOUNG CHAMPION》為慶祝刊印第1,000期，將篠崎愛喺2012年至2015年間為雜誌拍攝而又從未公開嘅相片登咗出嚟。女神嘅密照被洩，唔係人人接受得到，一旦形象受破壞就弊傢伙，幸好網民見到篠崎愛嘅陳年寫真相，不但激讚佢嘅外形超正，仲話就算家陣先出道，仍然可以佔據王者席位。其實篠崎愛今年只係28歲，外形仲係好正，如果佢肯影寫真，一定勁吸睛。
關於早洩嘅定義，雖然性學家有一套說法，但係女士們又認唔認同呢？日本官能小說家大泉里香之前喺網上進行調查，獲得289名女士參與，當中有67%嘅受訪女網民認為一進入就發射就叫早洩，有18%人認為喺兵器進入前已經走火先係早洩，仲有8%嘅女性覺得喺活塞運動進行期間，突然間發射至算係早洩。問到女士們介唔介意伴侶走火，大部分人嘅答案都話冇所謂，有女士覺得只要前戲做足已經好好；有女士就話只要對方刺激到自己嘅敏感帶，就冇問題；亦有女士坦言，男伴表現有高有低，一時失手唔出奇，最重要係發射前講聲，事後加句對唔住就OK，最嬲係男伴早洩後仲話自己好舒服，呢啲自私行為先係最乞人憎！
俗語有話：「人生得一知己死而無憾」，尤其係呢位知己可以成為洩慾對象，更加係唔話得！化名叫Jane嘅英國女網民，聲稱身邊有位青梅竹馬嘅男閨密，之但係因為同男友分手，生活頓覺空虛，於是搵咗對方做炮友，煩惱亦由此而起。據阿Jane表示，事情發生喺兩年幾前，當時剛剛失戀，搵咗男閨密陪自己旅行散心，點知喺過程中發生咗超友誼關係，而且嗰次啪啪啪，仲令佢一嘗拍拖多年都未試過嘅性高潮。自此之後，Jane同男閨密經常約出嚟曳曳，仲一齊玩各種情趣玩具添。不過，Jane最近開始有啲不安，唔知好唔好繼續呢種關係，於是向性關係治療師Emese Taylor求助。其實同男閨密發生純肉體關係，可以喺冇壓力同責任感下釋放自己，問題不大，之但係如果對呢段關係感到不安，就真係要諗吓係咪應該繼續喇！
撰文：魂