好多日本寫真女優個名都同佢本身嘅特質不謀而合，好似天木純就氣質清純，大原優乃確係相當「大奶」，而最近喺寫真界極速上位嘅石田桃香亦人如其名，至於點解？即刻就同大家睇睇啦！
唔少女仔都認為肌膚雪白就係靚，事實上如果膚色好似紙咁白，即係俗語所講嘅冇晒血色，代表健康欠佳。咁點先算最吸引嘅膚色呢？寫真界新貴石田桃香就絕對可以作為典範喇！
今年22歲嘅石田桃香青春又可愛，被人認為佢人如其名嘅原因，除咗面珠仔圓圓，猶如一個優質水蜜桃咁圓潤飽滿外，另一個原因就係佢嘅肌膚白裏透紅，感覺亦同蜜桃一樣。而桃香妹其實仲有一個地方似桃，正確嚟講應該係兩個先啱，無錯！就係胸部喇！雖然上圍雖然唔算好大，但亦稱得上斤両十足，憑住呢兩個蜜桃及標致面孔，令佢喺寫真界極速上位。
2012年石田桃香喺教育及綜藝電視節目《R之法則》初次登場，由於佢青春活潑又漂亮，因而備受注目。上年3月，桃香離開節目，並休息咗一段日子，直至今年回歸幕前，拍攝咗唔少性感水着寫真，令觀眾眼前一亮，更獲封為寫真界超新星。另外，桃香亦有「浪速之桃姬」之稱，原因係佢出身於大阪浪速市。
除咗拍寫真，桃香喺電視界亦發展得唔錯，喺最近播映嘅「月九劇」《夏洛克：未敘之章》中就可以見到佢嘅演出，由於「月九劇」一向都係備受關注亦係高收視保證，所以有份演出絕對唔簡單，同時代表桃香已經成功喺電視圈爭取到一席位，睇嚟好快有機會一嘗做女主角嘅滋味喇！
簡介：石田桃香近期密密為不同雜誌拍水着寫真，而花絮就放到社交網同大家分享，想用肉眼品嘗一下桃香嘅身材，就要多多Click上去睇睇喇。
網址：https://twitter.com/ishidamomoka?lang=ja
年齡：22歲
身高：5呎3吋
三圍：33C-23-34
撰文：賢