做人當然要知道乜嘢叫做羞恥，先至唔會做出一啲貽笑大方嘅事，只係有時太過介意羞恥感，往往會限制咗自己嘅界限，當中點樣拿捏真係好講個人嘅修為。喺情慾字典中，關於Shame同羞恥嘅詞語有唔少，而相關嘅AV亦有唔少經典之作，唔知大家又知道幾多呢？
唔知大家自娛之後，會唔會有一種羞恥感呢？呢種羞恥感喺美國情色俚語中，稱做「After Shame」。有調查指呢種出現喺自娛後所產生嘅羞恥感，喺部分男女身上會發現得到。至於出現嘅原因好簡單，就係由於受到道德觀嘅影響，覺得自娛係一種唔恰當嘅行為，或者對已婚男女嚟講，透過自娛獲得快感，好似背叛咗另一半有違道德，從而產生一種莫名嘅羞恥感。有心理專家表示，呢種羞恥感所帶嚟嘅影響可大可小，輕則影響自信心，嚴重嘅話會影響人際關係。
提起羞恥感，美國俚語中仲有個男士限定嘅「Shame of Shames」，究竟佢係乜嘢意思呢？原來佢解做男士喺啪啪啪途中，兵器沒有硬直或者突然變軟，呢種狀態就稱為「Shame of Shames」。不過男士嘅兵器之所以唔聽使，當中嘅問題有好多，與其覺得羞恥，不如搵醫生Check一Check啦！
有時英文俚語真係令人摸不着頭腦，好似「Shame Tongue」咁，兩個英文單字都知點解，前者解做羞恥或怕醜，後者則解作舌頭，但係當兩個字結合一起時，竟然同舌頭一啲關係都冇，皆因佢係指陰蒂。對於呢個女性生殖器官嘅一部分，唔知有幾多男女真正了解佢呢？原來佢可以長達約10cm，據研究指陰蒂有超過四分之三嘅長度會藏喺女性體內，而肉眼所見到嘅只係一部分。此外，佢布滿敏感神經末梢，數目更超過8,000條，呢個數量足足比男士嘅槍頭多出2倍！難怪有調查指，有超過百分之五十嘅美國女性要透過刺激呢個部位，先至可以獲得高潮。
有人話以前嘅美國四仔有劇味啲，唔知大家認唔認同呢？雖然呢點好難講，但可以肯定嘅係以前有唔少經典之作，不但有超養眼場面，劇情更係相當吸引，好似呢部喺1994年推出嘅《Shame》就係其中之一。由著名四仔導演Philip Christian執導，搵嚟Kaitlyn Ashley同Leena LaBianca呢兩位極具人氣嘅脫星擔綱演出，加上色氣十足嘅場面，獲得極佳嘅評價同銷量。
故事發生喺19世紀嘅美國西部，本身係一個追求和平印第安部落族人嘅Leena，有日巧遇前嚟宣揚和平訊息嘅女義工Kaitlyn，本嚟諗住可以過住和平嘅生活，點知卻受到由單眼族長Banks領導嘅嗜殺印第安部落襲擊，結果兩人成為Banks嘅玩物，過住被凌辱嘅日子。為咗報仇Leena改名做Shame，而兩女成功逃脫後不斷武裝自己，結果喺一次暗殺行動中成功報仇。呢部作品喺1995年AVN頒獎禮獲得最佳年度四仔獎，而Kaitlyn Ashley亦獲得最佳四仔女配角，及後《Shame》被AVN評為500套經典四仔之一。其實呢套作品獲得極高評價，Kaitlyn Ashley亦居功厥偉，事關呢位喺1971年6月29日出生嘅脫星，於1993年出道後，憑住火辣身材廣為人熟悉，之後喺AVN頒獎禮獲得最佳年度脫星殊榮，更同Jill Kelly及Jenna Jameson並稱上世紀末最強天后級脫星。
對於調教題材嘅AV作品，唔少人總會覺得內容未免太過重口味。其實日本AV類別有好多，單係調教已經有唔同等級之分，而具有多年歷史嘅調教系列《羞恥的身體》，就憑住輕口味嘅調教內容而獲得AV迷長期愛戴。由AV片廠HMJM喺2009年1月推出頭炮作《羞恥的身體 詩音》，搵嚟素人女優詩音演出，當中嘅輕口味調教場面，例如有男優誘導女優露出，玩一啲平時唔敢玩嘅情慾遊戲等。由於銷量理想，令HMJM充滿信心，故喺兩個月內先後推出4集系列作，而去到第5集更搵嚟巨乳AV女優二宮亞季演出。隨住呢個系列成為招牌作品之後，HMJM亦唔再搵素人演出，重金禮聘有樣有身材嘅人氣AV女優參演，包括有Eco、水城奈緒、真城杏、木下若菜、湊莉久等，就連沖田杏梨同霞果穗都曾經參演呢個系列，至今已推出咗69集，絕對係日本AV界中嘅長壽作品。
撰文：魂