俗言有話「十個男人九個鹹濕」，相信唔少男人都會認同，而滿足鹹濕嘅方法有好多種，有啲喜歡四圍溝女，有啲就直接尋花問柳。講到去滾，唔係個個男人都可以過到心理關口，覺得呢種行為傷風敗俗，不過見到經常去滾嘅老友開心Share啲囡囡相，個心又蠢蠢欲動。好似有位男網民話：「我班老友經常聯群結隊去滾，又去撳鐘仔又去指壓，經常問我去唔去，又分享啲囡囡相畀我睇。我個心十五十六，因為我已經有女友，不過我哋唔係成日行埋，生理上真係有需要，真係唔知去唔去好？」至於啲網民又點樣回應佢呢個問題呢？
網友回應：
窮牆鐵壁：講咩心理關口啫！想去咪去，唔想去咪唔去囉！你班老友又冇話你唔去嘅話會同你絕交。我反而覺得你想去嘅情況居多，又唔見我啲朋友畀我引咗咁多年，佢哋會加入我嘅行列？
荒漠Dianna：有女友仲想去滾，你呢啲唔係賤男係乜！你擺明係嫌女友唔同你啪啪啪，或者冇晒新鮮感。男人就係咁賤格，成日想去滾，又將責任推喺女友身上。如果畀着我男友去滾，我一定同佢分手，你若然去滾，後果都係一樣咋！
勁過爛泥：其實你家陣已經流晒口水，就知你終有一日忍唔住會落疊。若然你同女友結婚之後，先至踩入去嘅話，到你時仲煩。所以你一於去滾到飽，滾到冇晒意欲，之後同女友結婚，咁咪乜嘢都冇問題囉！
mmes29180：梗係咪去滾啦！作為一個負責任嘅男友，一定要對女友忠誠，試諗吓，如果你女友叫鴨嘅話，你又有乜嘢諗法？當然，如果你做到唔畀女友知嘅話，情況就唔同，問題係你可唔可以忍得住口，唔會自爆出嚟，否則佢一定飛硬你。
撰文：魂