有人認為情慾小說一定要從頭到尾啪啪啪先至夠精彩，有人卻認為要加入愛情元素，先至唔會令小說變成純床上動作作品。若然認同後者至能畀到滿意閱讀體驗嘅話，呢本由成人小說作家茱麗‧嘉伍德（Julie Garwood）著作嘅《下一步，愛情》（Fast Track），相信會畀到大家浪漫愛情同火辣情慾兼備嘅文字之旅。
故事講述珂娣喺5歲嘅時候已經遇到白馬王子，就係佢閨密嘅哥哥艾登，可惜對方一直視佢為妹妹看待。某日，珂娣嘅父親過身，喺臨別之前，父親跟珂娣表示佢嘅身份其實另有隱情。為咗尋找自己真正嘅身份，佢隻身遠赴澳洲，卻喺當地遇上幾次襲擊，於是艾登走到澳洲貼身保護珂娣。接觸多咗，艾登漸漸愛上珂娣，當兩人獨處時，艾登向珂娣作進一步親密行動，初時珂娣表現抗拒，卻估唔到自己嘅防線其實相當脆弱，一段情慾關係就此爆發。
書名：《下一步，愛情》（Fast Track）
售價：約HK$80
撰文：魂