制服誘惑對唔少男士嚟講，真係有相當大嘅吸引力，若然要數喺日本男人心目中邊種制服最吸引嘅話，空姐制服必然榜上有名，甚至有「空姐之日」作為紀念，足見佢哋係幾咁鍾情空姐制服，依家就同大家睇吓空姐制服對日本男士有乜嘢吸引力啦！
想品味空姐制服所帶嚟嘅視覺誘惑，透過寫真集慢慢欣賞就最好不過，好似呢本由爆乳寫真女優葉月夢爆晒心口攝製嘅寫真集《傳說的爆乳CA 葉月夢》（噂の爆乳CA），就化身成性感火辣嘅空姐，實行將制服誘惑發揮到極致。葉月夢身高5呎2吋細細粒，但卻擁有35H-24-35嘅魔鬼級身材，佢來頭一啲都唔細，自細接受藝能訓練，2009年以藝名「柳里穗」之名成為偶像女團「閃亮六本木女學院」嘅成員，2010年改用現時藝名，並先後參加「Miss Magazine」及「Young Animal NEXT 寫真偶像戰」，憑住誘人外形，成功喺寫真界取得相當高人氣。不過講咗咁耐，佢同空姐有乜關係呢？其實有冇關係並非重點，最重要係佢透過性感空姐制服展現出嚟嘅動人魅力！
如果覺得寫真女優加空姐制服，仍未能勾起大家嘅幻想，呢本由「六本木女王」神室舞衣瞓身演出嘅寫真集《美人CA的新人研修 神室舞衣》（美人CAの新人研修 神室舞衣），相信能夠刺激到大家嘅感官！喺呢本寫真集中，神室舞衣化身成新入行嘅空姐，透過著名攝影師木村晴親自操刀，從密實空姐制服造型慢慢展現肉體誘惑，必定令大家睇到心跳加速。話說回來，點解稱神室舞衣做「六本木女王」呢？原來神室舞衣19歲時喺福岡從事夜店女公關工作，喺業界甚有人氣，21歲時轉到東京六本木嘅夜總會工作，成為超人氣陪酒女郎，及至24歲佢投身藝能界發展，以寫真女優身份示人，其後亦有參加電視劇演出。
由寫真女優化身成空姐展現制服誘惑嘅魔力，係就係夠晒性感，但係佢哋始終唔係正牌空姐，感覺唔夠逼真喎！唔緊要，事關講真實嘅話，呢本由前空姐演出嘅寫真集《元CA 「假名、慶子」 黑色連褲襪》（元CA「仮名慶子」顏出しNGブラックパンスト），就夠晒真實。為保障當事人嘅身份關係，因此以假名「慶子」登場，同時攝影師亦遷就角度，令大家睇唔清楚其樣貌。雖然係咁，憑住一對黑絲襪美腿，就知道呢本寫真唔單止大賣制服誘惑，仲以黑絲襪嚟色誘大家嘅眼睛，加上多達150張嘅寫真照片，必定能夠滿足男士們嘅慾望。
日本風俗店好鍾意搵各類主題包裝，而作為其中一種日本男士鍾情嘅制服主題，又點可能冇空姐主題嘅風俗店呢？呢間位於新潟嘅泡泡浴風俗店「Stewardess」，被日本玩家稱為最高性價比嘅風俗店。話明係玩空姐主題，當然唔少得有各類型空姐制服畀玩家選擇，最特別嘅地方，在於空姐制服分為兩類，一類係真實類空姐服，另一類係幻想類空姐服。從佢哋嘅名稱，相信大家都估到，前者係以真實存在嘅空姐服為藍本，而後者則係經過修改令空姐服變得更加性感誘人。此外，該店風俗孃嘅質素相當高，而且全日免收各類指名費，難怪鍾情制服誘惑嘅日本玩家大讚性價比高啦！
呢個世界有唔少服務性行業，點解喺日本會特別設有「空姐之日」呢？就要從東京航空輸送社開始講起。呢間喺1928年成立嘅日本民用航空公司，1931年招募日本航空史上首批女性空中服務員，同年3月5日公布招募結果，當時140名應徵女性中，僅得3人最終獲聘，正因為如此，呢日就被定為「空姐之日」。
不過，當年航空公司招聘時，並非以空姐嚟稱呼，而係以「Air Girl」作為職業名稱，後來先至演變成叫空姐。喺1997年時日本通過男女僱用機會均等法，空姐因具有性別色彩關係，所以現今日本習慣用「機艙服務員」或「客室乘務員」作為稱呼。雖然係咁，但「空姐之日」仍然用舊稱作為稱呼。
撰文：魂