黑白獎盃女郎

眨眼又到11月，又係美國四仔各大頒獎禮進入倒數階段，雖然話明年初先舉行，但按慣例，依家就要發力宣傳催谷，繼早前XBIZ Awards公布由毫無驚喜兼沒趣嘅Jessica Drake一人擔正做大會主持後，最近亦公布邊個擔任獎盃囡囡，即係攞獎盃上台畀頒獎嘉賓嘅女郎，至少會出鏡過百次，曝光率仲高過最佳脫星獎得主，所以呢個位好多脫星都想做，可惜唔係你想就得，要由大會推舉出嚟，今屆就由一黑一白妹Honey Gold及Riley Nixon擔任，唔識佢哋？唔奇吖！事實佢哋稱唔上一線脫星，甚至好少參演主流作品，不過就係因為夠獨特，先至獲得大會垂青，就以白妹Riley Nixon為例，佢一頭Skin Head，靚唔靚唔講，一睇就知佢唔好惹，亦唔會為討好大眾而公式執劑啦！而呢個中性形象，亦令阿妹經常出現喺女同四仔飾演男優一角，咁當然阿妹都會做番女人角色。而另一位名字甜到漏嘅黑妹Honey Gold，亦唔係善男信女，睇佢一身紋身及戲路，就知佢鍾意喺床上蝦蝦霸霸，今次頒獎禮搵嚟兩個惡形惡相嘅獎盃囡囡，莫非係想暗示來年係女權天下？