日本藝能界有唔少女童星，佢哋長大之後第一件事都會拍寫真，一來洗脫舊有嘅稚氣形象，二來就係展露一下成熟嘅姣好身段，令大家眼前一亮，等自己有機會一躍成為人氣水着妹，就好似紗綾咁。今年只係得18歲嘅紗綾，11歲就已經拍廣告，一直都半工讀。今年嘅春天，紗綾發現自己一過18歲之後，身體愈來愈成熟，雖然唔係變高咗，但係上圍就大到有F-Cup咁勁。為咗向大家展現呢副蛻變後嘅肉體，阿妹就推出最新寫真集《AiRen》喇。為咗拍呢本寫真集，紗綾特別飛到去台南取景，以當地午夜街道嘅璀璨燈光，襯托自己嘅巨型F奶，引發出特別妖艷嘅感覺，睇落阿妹真係大個女咗好多呀！