魔術隊嘅充氣吉祥物喺球隊尋日對巫師時發生漏氣問題，搞到個頭歪埋一邊，完全唔似吉祥物，似乎有啲不祥預示。最終魔術呢場波加時輸咗畀巫師，真係好邪呀！
ＮＢＡ最近頻頻出現球員比賽途中爛鞋嘅情況，最新一個受害者係76人嘅後衞禾頓（Tony Wroten），佢喺尋日對溜馬嘅賽事一次轉身感覺有啲唔妥，原來佢左邊鞋嘅鞋底喺之前嘅轉身飛咗出嚟，搞到佢要急急腳跑返更衣室換鞋，認真狼狽！