阿妹有愛心

大家仲記得早前三級颶風瑪麗亞重創多明尼加聯邦及波多黎各嗎？唔係新聞冇再講，善長仁翁損咗錢就等於無事，災後重建先係最攞命呀！自稱2016年婚後同老公搬咗去多明尼加居住嘅裸模兼脫星Kayla-Jane Danger係呢次風災嘅受害者之一，原來佢同老公喺當地開咗間潛水舖同餐廳，無奈被颶風徹底摧毀生意，不過阿妹冇因為個人利益而離開，反而決定留低出錢又出力為災區重建，最近佢更同好姊妹Jenna J. Ross以脫星身份呼籲各界捐獻，金錢以外，更需要實則支援，無論係食物、衣服、毛氈、家具都可以幫到災民。網民見到Kayla-Jane Danger喺社交網全面停止色情，改發災後實況表示非常感動，皆因一般脫星頂多都係發兩個Po叫粉絲捐錢，但學似Kayla-Jane Danger咁生意冇咗，連脫星工作都放低埋，走去重建災區，肯定唔會搵到第二個。Kayla-Jane Danger接受傳媒訪問時都話自己間餐廳無法營業，至少要花5,000美元搞清理工作，裝修費更加唔敢諗，唔知又有邊個會幫佢呢？