唔少已婚男士都會遇到一個問題，就係老婆唔願意曳曳，當中嘅原因有好多，例如居住環境擠迫、關係變得冷淡等。如果性生活乏味，呢個時候出現性愛機械人嘅話，唔知大家會唔會考慮試吓呢？起碼對方唔會Say No！
近年唔單止機械人技術發展得飛快，人工智能更係一日千里，睇嚟機械人未來將成為人類生活一部分，至於性生活又點呢？可能有人覺得，機械人始終冇真人咁實在，如果咁諗就錯喇！澳洲網站「Forktip」早前做咗個調查，以「如果體驗係正面嘅話，會唔會考慮以性愛機械人取代現時嘅伴侶」為題，成功訪問咗5,000名男女，結果卻出人意表，有百分之七十一嘅男士及百分之四十九嘅女士會選擇機械人取代伴侶。以男人貪新鮮嘅本性，揀機械人唔出奇，奇就奇在竟然有接近半數嘅受訪女性會咁做，真係估佢唔到。
有專家分析超過7成男士情願揀性愛機械人嘅原因，唔只係貪新鮮咁簡單，現今男女關係疏離，好似性慾下降、性能力下滑、伴侶間性態度分歧等都係原因之一。至於性愛機械人係咪真係可以取代到人類呢？據Sergi Santos博士表示，未來嘅性愛機械人智能同功能將會有更大嘅進步，喺男方爆發一刻作出唔同反應。話時話，大家會唔會考慮搵機械人做性伴侶呢？
對於AV迷嚟講，相信唔使點介紹清水健呢位著名男優，佢身材健碩兼擁有過人耐力，曾試過90分鐘內爆射15次，所以由佢教授4招增強持久力嘅方法，係咪好有說服力先？
第1：唔好興奮過度。清水健表示男人千祈唔好只顧住自己舒服而一味喪衝，或者擔心自己過早洩射，而搞到心態過度緊張，結果反而會更快發射升空。若然專心於對方反應上，自然可以延長作戰時間。
第2：一心二用。相信呢招有唔少巴打都知道，就係喺活塞運動期間，將自己嘅身心分開運作，即係身體喺度郁，大腦卻諗其他嘢。清水健就話佢會諗啲同性愛冇關嘅嘢，例如等陣食乜嘢、聽日有乜嘢工作等。
第3：自娛鍛煉法。清水健指出為咗令兵器嘅神經冇咁敏感，最好嘅方法就係要不斷刺激佢，等佢習慣咗被摩擦嘅感覺自然會變得持久。佢提議最好每日2次，並以每星期14次嘅目標進行，等兵器形成習慣。不過唔少性學家就話過度自娛會傷身心，所以呢招都係參考吓就算。
第4：善用各式體位。清水健表示面對面體位同側入式體位，即係我哋所講嘅半邊燒鵝髀，呢兩種體位都能夠刺激到女伴G點，令對方快啲到達高潮之餘，男士又能延長時間，絕對值得一試。
人嘅思想可以有幾咁骯髒？本來一宗意外卻因為一支按摩棒引嚟一眾網民邪念大爆發！話說早前日本一個主題樂園嘅後台起火，消防人員到場調查起火原因，結果發現應該係由一支電動按摩棒引起。本來小事一宗嘅意外，因為「按摩棒」而引起日本網民熱議，佢哋對後台竟然有支按摩棒感到相當意外，而且個個都諗埋啲鹹濕嘢，皆因佢哋睇得AV太多！其實呢支按摩棒本身係作按摩用途，話說製造商喺1968年推出咗一款叫做「Magic Wand」嘅電動按摩棒，作為按摩之用，點知喺美國進行推廣時，遇着美國進行性積極運動，而當時著名性學家Betty Dodson視佢為情趣按摩棒，並對美國民眾進行推廣，結果流傳返去日本就咁變成情趣用品。另一方面，佢喺美國大受歡迎，2013年被選為「最受女性喜愛玩具」。
撰文：魂