正所謂酒色財氣，酒同色真係分唔開！繼脫星Jesse Jane、監製Ron Jeremy推出個人烈酒品牌後，最近輪到「烈女」Joanna Angel同男友Small Hands踩入酒精界，自家釀製威士忌，品牌Doom正式上市。據知喺美國釀製，混合咗100多種黑麥混合物，用非冷凝過濾蒸餾，加上喺美國白橡木桶內陳釀，令酒身閃耀着金黃色，更能保持原始又完整嘅純粹風味咁話！講就講到好猛喇，但酒呢家嘢細佬識條鐵咩！我淨係知道，Joanna Angel連酒都撈埋，實情就好似班前輩咁，挾住名氣坐喺度搵銀，絕對唔係佢口中所講，甚麼男友帶佢走入品酒世界，豐富咗佢對威士忌嘅認識，啟發佢擴展威士忌嘅世界，每一刻都想飲醉咁浮誇囉！對於Doom嘅評價就交畀酒色之徒喇，但令細佬認為值得欣賞嘅係Joanna Angel冇為自己支酒做生招牌代言，不論宣傳海報或社交網都只係見到支酒，絕對唔見阿妹對咪，話晒都係賣酒唔係賣色嘛！