Ninja Sex Party係喺2009年由歌手Dan Avidan及鍵琴手Brian Wecht於紐約組成嘅一隊電子音樂組合，歌詞內容及MV經常涉及性愛題材，至今推出過4張專輯，有台灣網友譯佢哋叫「忍者亂交趴」，又幾抵死喎！咁佢哋同色情有咩關係呢？話說早前佢哋喺網上發布新歌《Pour Some Sugar On Me》，喺短短48小時獲得超過60萬次點擊率，點解咁堅？咪因為搵嚟三位正到爆嘅脫星着住超養眼糖衣比堅尼拍MV囉，分別係Brett Rossi、Olivia Austin及Karlie Montana。呢個MV非常意淫，三件女輪流晒波罅趷籮玩自摸、啜手指兼舔波板糖，十足睇緊四仔前奏咁！至於三位脫星點解會同呢隊組合扯上關係？據成人新聞網報道，原來喺今年年初舉行嘅AVN博覽活動中，Brett Rossi遇到Dan Avidan，男方就問女方有冇興趣做MV女主角，更歡迎佢拉埋其他姊妹一齊拍，Brett Rossi覺得勁好玩，咪一拍即合囉！而Brett Rossi都有實個MV，對於點擊率咁高，佢亦感到好開心，仲話將來可能會全職做YouTuber。吓，咁就大鑊喇，阿妹唔剝衫拍四仔，我哋邊有好嘢睇呀！