所謂過盈則溢，做乜都好，最緊要做到恰到好處，正如一碟炒菜咁，太少油則缺乏油潤口感，嗒落亦唔夠味，但係太多油又會好油膩。而寫真女郎亦係一樣，太瘦同太肥都唔好睇，只有肉感剛剛好，擺咩甫士都咁誘人悅目，今日介紹畀大家嘅大貫彩香同野田彩加就係呢種優質小美人喇！
見到泳裝就會令人感受到熱情洋溢嘅夏日，而夏日就會令男人諗起活潑又好動嘅水着美人，所以小弟一直都認為，精靈可愛又充滿活力嘅美人兒最能夠代表水着寫真界，而大貫彩香就係呢種精靈妹妹仔喇。大貫彩香形象整潔又青春可人，喺寫真界出道以來一直都人氣高企，其活潑好動形象更幫助彩香成功「入屋」，演出不同電視節目，認真忙得不可開交，例如早前演出嘅《秘湯ロマン》。不過彩香忙還忙，唔會忘記拍寫真作品畀大家欣賞。
喺呢部最新作品《さやかごころ》當中，彩香透過去海灘玩樂、到度假屋玩水、曬太陽，以及游走溫泉旅館，將誘人胴體展露之餘，並且帶領大家飽覽多個景色優美嘅戶外環境，同時將優閒感覺帶畀大家，等觀眾同佢一齊喺百忙之中稍作休息，感受一下度假期間嘅無比舒適。
碟名：《さやかごころ》
收錄時間：117分鐘
售價：約HK$287
家庭教師呢個題材喺日本AV界時有出現，當然作為一個AV迷，由女優扮演嘅家庭教師會做乜大家都應該好清楚，大家對此戲種嘅了解分分鐘仲熟過我添，所以唔使多講，以免多此一舉。至於日本寫真界亦有唔少映像作品用到家庭教師作為劇情，但係內容唔會賣弄色情，而係由寫真女郎將角色嘅溫柔以及成熟美帶畀大家，野田彩加喺新作當中就能夠將此充分演繹喇！野田彩加呢位寫真界不可多得嘅人才擁有風韻迷人嘅綺麗面孔，兩片朱唇相當誘人，而豐滿又婀娜嘅體態更係非常吸睛。
本作乃係彩加相隔一年半至推出嘅最新寫真映像作品，咁耐唔見彩加嘅身材一樣咁誘人，演出初段，扮演家庭教師嘅彩加故作斯文，以一身密實恤衫配長裙現身，之後逐步溫柔地將胴體解放，跟住彩加喺床上賣弄成熟又妖媚嘅誘人風情，帶領觀眾由淺入深咁了解其體態之美以及撩人媚態。
碟名：《aya》
收錄時間：107分鐘
售價：約HK$287
撰文：賢