還記得《After Porn Ends》呢套紀錄片嗎？冇睇過唔緊要，事關唔係四仔又冇裸體，純粹係一部美國四仔紀錄片，講述一班經典男女脫星離開四仔界後嘅生活，粒粒皆星，包括Asia Carrera、Nina Hartley、Mary Carey、Crissy Moran、Amber Lynn等等，親自講述人前人後生活，據報道2012年出街嗰陣，不論係四仔迷定業界台前幕後都睇到眼濕濕，梗係啦，眼前嘅脫星又索又紅，其實背後有好多不為人知嘅辛酸o架！
事隔5年之後又點呢？喺上個月底，《After Porn Ends 2》派街，同上次一樣搞咗個大型發布會，好多台前幕後都有出席，而今次參演嘅係近年話題十足嘅前脫星，包括有熟女Lisa Ann、夜場大床兩邊飛嘅國際DJ Brittany Andrews、第一代爆紅紋身脫星Janine Lindemulder，仲有變性脫星Venus Lux及因拍四仔染上世紀絕症嘅Darren James等，由佢哋講述四仔界好與壞，以及人生下一步係點，大家有興趣可以去官網買嚟睇！
撰文：祖