媽我好亂呀！打開科技新聞網講VR（Virtual Reality）色情，上鹹網又係講VR色情，虛擬實境經已無孔不入，未玩過嘅巴打不但冇話題，睇怕過多一兩年，你連鹹網都冇得用，有冇咁誇呀？有呀，因為美國四仔界已正式進入VR年代，再唔跟隊遲吓連打J都唔使旨意呀！
VR科技新聞有好多，只要Google吓，你以為啱啱發表嘅技術或消息，轉個頭又變咗舊聞，所以莫講話未接觸過呢類技術嘅巴打唔明，即使經已爽到High High聲嘅J迷都表示跟唔切呀！連港聞都有報道指，本地VR電玩體驗館JetOne Motion表示會取代「機舖」，單係今年頭四個月，查詢及參與人數已過萬人，唔止香港勁，原來6月中喺日本秋葉原舉行嘅首屆日本成人VR展覽（アダルトVRフェスタ01），引起全球關注，結果因為人太多而被迫取消，而主辦單位話考慮8月另覓場地再舉辦喎！
講咗咁多題外話，都係想話畀大家知玩VR早買早享受啫，就以最進取嘅美國四仔界，無論成人片廠定免費短片網站都陸續宣布進軍VR市場，成人網站Pornhub更獨立製作一個VR頻道，大量猛片不斷更新，方便VR J迷，免費玩立體色情，呢一代網民真係爽呀！
網址：http://news.denfaminicogamer.jp/kikakuthetower/adult-vr01
好想快啲玩又唔知點入手，啱喇，因為提供VR色情內容公司HoloFilm Productions，剛啱宣布要送出VR設備，網民只要成為HoloGirlsVR.com收費會員，就有機會免費獲得價值50美元（約390港元）嘅 Google VR Box 2.0嘅VR設備全套，但巴打要小心，「免費」係視乎入會時間長短而定，例如入會3個月先有得送！鹹網連架生都幫你解決埋，仲有乜嘢要準備，查實冇，最重要係揀個啱自己嘅VR網囉！但以細佬所見，今日各大鹹網提供嘅色情內容及脫星質素都不相伯仲，要鬥嘅只係方便性，又好似一間叫VR Bangers嘅公司喺5月宣布提供VR色情四仔，更聯同拉斯維加斯多間星級酒店簽訂協議，喺酒店房內提供「硬件」設備，只要閣下係鹹網站會員，去到旅行都有得玩，仲唔係無處不J？
網址：www.HoloGirlsVR.com
脫星有「咪神」、「籮霸」，咁「VR Porn女王」又係邊個呢？肯肯定係29歲美國脫星Ela Darling啦，四仔迷就當佢中女脫星咁睇，查實阿妹早喺21歲嗰年已經碩士畢業，一次偶然機會參加電子遊戲展，體驗咗頭戴式虛擬色情嘅雛形，阿妹非常有興趣，深信虛擬實境色情大有作為，結果2003年左右一邊床上奮鬥，一邊研究VR色情技術，喺2009年成立VRtube網站，成為史上第一位玩VR虛擬實境直播脫星，雖然阿妹網站唔係最強，但好多巴打視佢為VR Porn Queen o架！
撰文：祖