揸校巴＋足球＋湊女=完美

冠忠南區一向重視球員，更推出了「球員生活及退役計劃」，現時林浩鈞就在贊助商冠忠巴士內兼職，為退休後的未來賺取經驗，亦令他大叫生活完美：「依家我朝早5點去揸兩轉校巴，9點就可以返屋企休息，11點到球場操練，下午1點後就係私人時間！呢個計劃除咗可以增加收入同賺經驗外，最緊要係我有一整個下午同夜晚去陪啱啱出世嘅囡囡，呢段珍貴時光用幾多錢都買唔到！試諗吓，呢份工可以畀我朝早盡情去踢我最鍾意嘅足球，下午又能夠盡享天倫樂，日日湊女踢波幾開心……比香港依家成日加班嘅其他工作，我可以話係完美啦！」