做愛係咪一定要喺床上？梗係唔係啦，偶爾換吓地方都係一種情趣。不過，呢位男網民個老婆竟勒令唔准上床曳曳，仲話如果想喺床上做，只有一個選擇，就係去酒店爆房。點解會咁奇怪嘅？男網民話老婆有潔癖，拍拖時已經係唔刷牙唔打茄輪，唔沖涼唔做愛，做愛一定要去一間乾淨嘅酒店房，仲拎埋酒精嚟噴張床。「結咗婚3個月，我哋嘅習慣都係咁，之但係最近老婆嘅要求更加嚴格，就係唔可以喺床上做。其實喺梳化做，我都OK，但本身比較大件，唔係咁夠位，有啲體位做唔到。老婆之所以唔畀上床搞，理由係佢比較多水，成日流到張床濕晒，試過墊毛巾都唔得。老婆覺得好煩惱，因為要成日換床單，所以佢話如果想喺床上做，只能去酒店。唉，我好煩惱呀。」
咁鯉：其實你老婆嘅心理係咪有問題呢？即係咁，濕透一條毛巾咪墊多條囉，好過去酒店爆房吖，家陣咁嘅環境，酒店房咪仲高危。同埋我真心唔覺得酒店房張床會乾淨過屋企嗰張囉。
Jane：潔癖我都有，好明白你老婆嘅感受，我以前都有裸睡習慣，但每朝起身發覺張被或張床有少少濕濕哋，個心都覺得唔係咁舒服，所以我後尾都係乖乖地着番條底褲。包容吓啦巴打。
Sissy：做愛又唔一定喺床嘅，但講到明唔畀上床，個心又會覺得唔舒服，情況就好似踩單車咁，知道大路中間有條柱，係咁話畀自己知咪撞埋去，結果真係撞埋去嘅情況一樣。
力士：曳曳呢樣嘢好講即興，唔通話：「老婆，我今晚想喺床上度做，放工後我哋去爆吖？」到時乜嘢心情都冇晒啦，大家互相遷就吓得唔得？