Car Wash一詞，喺美國人心目中等同「比堅尼洗車」，的而且確，洗車四仔亦無時間性之分，一年四季起勢拍，但原來只要將條橋扭一扭就變成電影，新鮮熱辣出街嘅《All American Bikini Car Wash》就搵嚟一眾歐美脫星上陣，咁就紅爆網絡，掂喎！
想爆紅，想發達原來真係咁易，早知片廠或脫星唔使肉搏咁多，求求其其拍套「洗車片」咪得囉！嗱，無講笑，剛啱10月6日派街嘅電影《All American Bikini Car Wash》，據網友話連「B」片都不如，事關電影從未喺戲院上畫，一嚟就出DVD，同步掟上收費網站畀錢收看，更爆嘅係出街唔夠兩日，就由原價25美元（約195港元），劈價到15美元（約117港元）就有得睇，你話呢套電影卡士威極有限啦！但你又咪理喎，如果有留意演員角色，會發現除咗所謂封面女主角Emma Lane外，九成囡囡都係成人裸模或脫星，簡單講都係露過、摸過甚至砌過。
點解導演要搵脫星拍電影？根據網友推測，好可能係因為Nimrod Zalmanowitz要靠呢套片製造話題上位！講真一啲都唔出奇，照IMDB網站所見，呢位「新進」導演喺2003年出道，喺電影界打滾達12年，但親自執導嘅電影共3套 ，04年嗰套《Susanna》係短片，13年嗰套《Paranormal Asylum》係鬼片，要計正的話，《All American Bikini Car Wash》先係處女作呀！故事講一班大學生就快被踢出校，教授畀機會要求佢哋經營一間洗車屋，結果幾個大學生反認為開間比堅尼洗車屋更有噱頭，可以滿足男人夢想同時滿足自己性幻想，於是就喺拉斯維加斯物色辣妹及辣跑車主，向理想邁進。
故事無人想知，反而脫星陣容就人人讚好，包括有Ashley Park、Kayla Collins、Scarlet Red、Erika Jordan、Ana Foxx及Christiana Cinn等，睇過Trailer，雖然無露點又無性愛場面，不過所有囡囡都交足戲瞓身洗車，身穿迷你比堅尼脫星，「咪咪」當海綿喺辣跑起勢捽，點會唔「吸睛」呢？再加上演員喺社交網瘋傳，間接幫咗套電影，令電影成為今期最多巴打討論，連負責贊助借辣跑公司Vegas Exotic Rentals都起埋底，勁呀！講翻啲女，搵佢哋演出除咗係好波之人，或者係佢哋都曾經演過洗車四仔，其中Scarlet Red及Kayla Collins兩位早有演過洗車四仔經驗，今次齋洗唔剝簡直易過食菜，睇嚟呢套洗車片收得，極大機會開拍續集添呀！
咁啱得咁橋，四仔都有洗車片出，講正，一定係Elegant Angel洗車系列啦，《Car Wash Girls Vol.3》咁快就第3集，由脫星Keisha Grey擔正帶住一班姊妹如Vicki Chase及Kate England等喪捽靚車，玩埋車頂互磨，正！
有網友就發現《All American Bikini Car Wash》同1992年套電影《The Bikini Carwash Company》劇情極為相似，故事係一班索妹為令一間面臨結業洗車屋重上軌道，決定着住比堅尼幫顧客洗車，因而引發連串笑話，由於當年甚少呢類性感電影，出街後一年更拍埋續集，勁呀！
喺美國的確有比堅尼洗車，啲女仲要正到冇朋友呀！喺舊年一位叫Steve McMahon嘅麻甩佬，報稱為自閉兒童特殊學校就讀女兒籌教育經費，開咗間Baywash Bikini Car Wash，洗車妹都係金髮索女，身穿火紅比堅尼洗車，之後愈做愈紅，喺其他地區開埋分店添，但佢呢種獨特洗車方式就被道德之士批評物化女性囉！
撰文：祖