混血兒總係有令人着迷嘅魔力？正所謂世事無絕對，混血兒未必個個都咁吸引嘅，只係當見到內地人氣嫩模詩朵雅之後，相信唔會有人反對，因為呢位中葡混血兒，不但擁有令男士神魂顛倒嘅美貌，一雙激凸巨乳更係令人眼前一亮，不過講到最迷人嘅部位，非一對堪稱完美嘅美腿莫屬。
今年22歲、於北京出生嘅索模詩朵雅，並非純正中國人，而係一位中葡混血兒，難怪佢嘅樣貌確實有啲西方味道。除咗樣貌夠迷人外，身高170cm嘅佢更擁有一對E罩杯巨乳，加埋一雙白滑又修長嘅美腿，試問又點可能唔喺模特兒界成名呢？難怪佢出道之後獲得「火辣俏芭比」嘅外號，喺2011年更獲得「京城八大車模」嘅美譽，足證佢嘅外形有幾咁出眾。雖然佢喺車模界嘅人氣極高，但其實佢最初係以平面模特兒身份登場，為多本潮流、化妝、時裝等雜誌拍攝封面，又為多個電子產品、汽車及生活用品拍攝平面廣告，此外更為網絡遊戲擔任代言人。朵雅成為一位炙手可熱嘅模特兒，原因當然係佢唔介意以超性感形象示人，展露巨乳及美腿，成功吸引大家嘅視線。
正如其他人氣模特兒一樣，朵雅喺模特兒界取得成功之後，便向影視界發展，除咗參與電影演出外，又頻頻喺電視綜藝節目上以嘉賓身份亮相，大量嘅曝光機會，令人氣一直有增冇減，而佢嘅成功之路更被唔少後輩視為榜樣。
講咗咁多朵雅嘅個人履歷後，其實佢嘅性格又係點嘅呢？據佢自己介紹，佢鍾意迎接人生路上嘅驚喜同未知嘅景象，就好似心底裏住咗一個調皮又愛冒險嘅小朋友咁喜歡面對挑戰，就算當時冇時間做好準備，心中又有擔心同緊張嘅感覺，仍會逼自己去面對。從阿妹呢段自白中，可得悉佢嘅性格相當堅強，每當遇到困難時，佢更喜歡以各種語錄嚟勉勵自己，例如：「勢不可使盡，福不可盡享，便宜不可佔盡，聰明不可用盡」、「寧可清貧自樂，不可濁富多憂」、「不自重者，取辱。不自長者，取禍。不自滿者，受益。不自足者，博聞」等。不過，從另一個角度嚟睇，模特兒嘅工作的確承受唔少壓力，真係要想辦法減壓。
簡介： 話明係「京城八大車模」之一，單係呢個外號就已經知道詩朵雅有幾咁迷人。唔信嘅話，大家可以去佢嘅微博，不但可以欣賞到巨乳嘅魔力，仲可以親眼見識到乜嘢叫做完美美腿。當然，大家仲可以喺佢嘅分享中，睇到佢嘅生活點滴添！
網址：weibo.com/shiduoya
出生地：北京
身高：170cm
三圍：32E、24、35
撰文：魂