人生總會遇到好多抉擇時刻，曾經攞過巴西戈亞斯州小姐冠軍嘅 Anielly Campos，想喺娛圈發圍又想學業為先，無前人指路，又處處碰壁，最後阿妹決定隨心而行，先做裸模，試盡玩夠先再返去讀書喎！
生於90後嘅巴西索妹Anielly Campos同好多少女一樣貪靚又想起朵，難怪早喺13歲已開始做雜誌Model，憑住豐富舞台經驗更喺2009年參加當地Miss Goias選舉而得到冠軍一舉成名，本來可順勢加入娛樂圈，無奈世事就係咁奇妙，同年阿妹已被大學機械工程學系取錄。Anielly喺訪問中表示機械工程一直係個人興趣，但假如要喺Model界發展就要停學，計算得失，佢話娛樂圈唔等人，如果錯過他日就無機會再入行，但另一方面雖然任何時候都可以進修，可惜娛樂圈收入無保障，反而完成學業做一個工程師，生活過得更幸福美滿。
面對兩難，Anielly話一方面繼續返學，同時有表演又絕不錯過，以為可以捱得過，但一年未夠，已發覺兩者都做得唔好，最後諗清諗楚，都係做Model最開心。Anielly解釋並非唔鍾意讀書，但佢太清楚自己性格，有太多嗜好，既鍾意旅行遊四方，對戶外運動如攀山、潛水或降傘都深感興趣，當然唔少得巴西人最愛嘅足球啦！Anielly妹最明白，作為一個模特兒好大機會涉獵不同界別。
凡事愛親力親為嘅Anielly，決心喺模界發展後，第一樣諗嘅並非簽個好經理人，認為先要做好本分，決定喺Model學校學習儀態，對佢嚟講肢體動作好易上手，反而最難係同人眼神交流以及對鏡頭敏感。佢解釋一直以為做Model係被動，係攝影師負責捕捉，只需擺好甫士任影唔嬲，其實應該係互動，肢體動作要做好，眼神亦好重要，阿妹承認對自己副架生信心十足，為咗令眼神再有進步空間，唔介意加入裸模界，佢嘅理由更出奇，竟然覺得身體無任何裝飾先可以投入其中。假如女人都有Anielly咁嘅思想，相信每個男人都會愛上影相囉！
而快近三年嘅裸模生涯，Anielly喺南美已無人不識，甚至歐洲都見到佢蹤影，多本男士雜誌都先後邀請佢拍半裸寫真，阿妹更喺訪問中自爆，拍攝全裸其實冇問題，至於點解要有保留？答案竟然係佢鍾意着T-Back喎！自從開始裸體攝影後，感覺愈影愈興奮。
簡介：Anielly生於斯長於斯，始終覺得巴西好，因此做Model都選擇留喺南美地區搵食，目前佢喺Bella Club掛牌，網站有齊佢個人簡歷及演出經驗，當然唔少得裸體寫真任睇啦！
網址：www.bellaclub.com/models/anielly-campos#1.2
出生日期：1990年11月14日
三圍：35C-25-36
身高：5呎10吋
撰文：祖