為咗成就夢想，女人可以去到幾盡？內地人氣模特兒白思宜就話畀大家知，佢可以去得好盡。而正因為呢種諗法，不論佢從事乜嘢類型嘅模特兒工作，以乜嘢造型亮相，都會全力以赴，務求將最好、最迷人嘅一面展現於大家眼前。
作為人氣性感女模，呢位早喺2012年出道，嚟自北京嘅火辣模特兒白思宜，佢嘅身材真係相當不得了，單係嗰對F罩杯車頭燈，已經令男士流晒口水，當然，佢迷人嘅樣貌亦係成功吸引大家視線嘅關鍵，難怪喺佢出道之年，首次以Show Girl身份喺內地著名電玩展ChinaJoy上亮相，當時只不過係位模界新丁嘅佢並唔係咁有知名度，只係憑住佢出眾嘅外形，尤其係一對迷人車頭燈，加上騷胸半露嘅造型，試問點可能唔令佢成為展場內嘅焦點呢？不過咁都未算犀利，事關喺遊戲展首日完結後，唔少人將佢嘅靚相上載到網上，到咗第二日竟然吸引大批慕名而嚟，搵佢影相嘅男士。既然咁有魅力，難怪跟住落嚟嗰幾年，佢都例必現身於遊戲展之餘，更成為唔少遊戲同時裝品牌嘅代言人。
有人表示一直視佢嘅寫真係藝術品，不但因為佢嘅外形誘人，而唔同嘅造型每次都予人驚喜，值得大家再三回味。覺得呢種講法係咪好誇張？未必。事關佢確實係為百變女神，每套寫真都有唔同嘅造型同主題，從純情少女、陽光女郎、冷艷惡魔到S味女王，佢都駕馭得到之餘，仲可以展現出當中嘅美態。此外，作為一位專業嘅模特兒，佢可以為咗令寫真睇起嚟更靚，容許自己接受大尺度嘅演出。露出大半對北半球，冇問題！露出半個美股，同樣冇問題！最重要就係出嚟效果一定要令佢滿意，佢表示咁樣先至露得有價值，並且可以挑戰到自己嘅極限，引發更多嘅潛能。正因為呢個原因，令佢不但成為內地知名嘅性感寫真模特兒，其專業態度亦深得大家歡心，難怪佢唔單止寫真工作密密接，仲經常到外國取景影靚相啦！
憑住Show Girl身份一戰成名，白思宜性感女模嘅身份早已為人所熟悉，不但一對巨乳係佢嘅標誌，標致嘅五官同樣令人着迷，只係問大家對佢嘅性格同內心又認識幾多呢？想加深認識，可以去佢嘅個人微博，從佢嘅留言同自拍中，了解佢嘅真個性。
網址：weibo.com/u/1765460655
出生地：北京
身 高：165cm
三 圍：32F、24、32
撰文：魂