翻開英文字典，會發現Golden解作金色的、黃金的，其實黃金嘅魅力相信唔使多講，而金色嘅物件更係令人愛不釋手。不過，除咗生活上Golden嘅事物招人喜愛，喺情慾世界有關嘅詞語，同樣令人興奮無比。
日本男士聽到「金玉蹴」呢三個字都會眉頭一皺兼露出痛苦之色，皆因喺日文中「金玉」解作男士嘅兩粒波子，而「蹴」則解作踢，兩者加埋一齊係一種專為M男而設嘅踢波子玩法。雖然呢種玩法會帶畀男人最痛，但卻係AV中常見嘅題材，皆因拍親呢啲片總會搵嚟一班身材火辣兼擁有修長美腿嘅女優表演腳法。除咗AV常見外，喺唔少風俗店中都會見到呢種另類服務提供，風俗娘會先讓玩家瞓喺床同擘大對腳，跟住佢就會對準目標狠踢，讓對方喺劇痛中得到非一般人可以體驗到嘅快感。
「Golden Rivet」原意解作金色嘅鉚釘，即係用嚟作為固定金屬同木材，或用作衣物裝飾之用，只係喺情慾俚語中佢有另一個意思，解作男士硬直咗嘅兵器。佢之所以有咁嘅意思一啲都唔難理解，皆因鉚釘嘅外形同戰鬥狀態下嘅兵器差唔多樣而得到呢個叫法。可能會有人覺得冠以Golden有啲譁眾取寵，其實講到譁眾取寵又點及得上著名情趣用品品牌Lelo，所推出嘅24K鍍金震動棒呢！呢支名為Inez嘅震動棒外形好似金條咁，每次可以讓玩家玩足4個鐘，而佢嘅價錢亦好似黃金咁貴，零售價盛惠13,500美元（約港元105,000），名副其實係「Golden Rivet」。
「Golden Gate Bridge」即係金門大橋，只係呢個著名嘅美國景點，竟然係一招超級高難度嘅床上招式！呢招分兩人同4人兩個版本。兩人版嘅玩法係先讓男士瞓喺床，女伴則騎上男士面上奉上美鮑，然後佢就以拱橋方式拗腰幫男士吹奏，由於呢招相當講求女伴條腰嘅柔韌性，故此被稱為超高難度絕技。至於4人版本則簡單啲，方法係先讓兩女股對股貼實及手拖手彎腰，兩人之間插住一支像真如意棒，而同時間兩位女伴各自為男伴吹奏，4人版本嘅「Golden Gate Bridge」就大功告成。不過話時話，其實呢招究竟有幾好玩呢？
咪以為「Golden Shower」係種以金色嘅水淋浴咁解，查實係一種都幾核突嘅性愛玩法。佢中文名又叫黃金浴，只係所謂黃金浴其實係金黃色嘅尿液，而玩法則係讓男女其中一方小解喺伴侶身上。「Golden Shower」嘅學名為Urolagnia，係性慾倒錯嘅一種方式，亦係部分愉虐愛好者鍾意嘅玩法。據專家講玩家透過呢種帶有侮辱性嘅行為，從對方屈辱嘅反應而得到性興奮。不過專家話呢種玩法一定要得到伴侶嘅認可至可以進行，否則會對彼此關係帶嚟破壞性嘅影響。
美國色情電影界有所謂嘅「Golden Age of Porn」即係黃金時代咁解，而喺呢段時間情色電影發展得最為蓬勃。美國色情業界普遍公認1972年至80年代初為佢哋嘅黃金時代，而掀起呢個熱潮嘅主要有兩套色情電影作品，分別係喺1972年公映嘅《無邊春色綠門後》同《深喉》。當時隨住美國法規嘅放鬆同美國人嘅觀念改變，為呢兩套作品帶嚟空間。另一方面，佢哋有別於以往只得十幾分鐘嘅色情短片，以出色嘅故事性同埋對情慾世界嘅深入描寫，連女士亦被吸引入場，亦造就唔少經典又賣座嘅色情電影湧現，好似係《Roomates》、《Insatiable》、《Taboo》等。不過到80年代初錄影機嘅普及，更多人鍾意喺屋企睇色情電影之餘，更享受可以直接快播到床戰部分，因而令創作者覺得冇癮，並指扼殺高質情色電影嘅發展。
能夠喺美國四仔界登上一姐之位，唔單止講求外形同床技，仲要講求運氣，好似Hana Golden就係一個好例子。呢位1976年9月17日出生嘅捷克脫星，細個時移居美國，喺22歲時正式投身四仔界，而佢嘅處女作就係《World Sex Tour #19》。佢憑住片尾一幕激戰兩位男優嘅戲一炮而紅，從此奠定喺四仔界嘅地位。出道冇耐嘅佢，憑住狂野嘅作風同埋唔要命嘅騎乘，從2000年開始連續4年，喺各大成人頒獎禮中獲得最佳歐洲女脫星、最佳女配角脫星、最佳群戰女脫星等嘅提名。可惜正當佢事業闖上高峰時，因為一場交通意外令佢要坐輪椅，並宣布從四仔界引退。
撰文：魂