原木製造嘅性玩具總令人誤解，功能沉悶又容易損壞，查實木製情趣玩具先最天然安全！歐美鼓吹性健康趨勢，男男女女都開始了解木製性玩具，雖然市面上嘅性玩具優點佢都冇，但可以按個人喜好度身訂造，要大要細，要尖要圓你話晒事，而重要係玩得安心，不會有過敏問題，今日三大業界名牌，唔啱玩都要學識呀！
數當今木製玩具名牌話係NobEssence肯定無人反對，雖然係大牌但不減對產品開發及製作認真，堅持挑選最優質木材及全人手製造，難怪全球咁多人撐及用後無投訴啦！坦白講，未接觸過木製玩具嘅玩家都覺得售價有啲乸脷，但官方表示每件原木只能限量生產一定數目，加上全人手雕製，所以產品絕對係獨一無二，即使同一個後庭塞都有紋理、大細及光暗分別，彌足珍貴呀！呢支蛇仔雙頭棒Mesmerize可算係NobEssence最暢銷產品，材質取自鐵木樹，全長達25cm，最粗直徑為4cm，外形夠猛外，其雙頭設計，不論男女或前後門都咁啱使，用家更表示當進入體內後，超大幅度彎曲加上夠硬淨，比矽膠玩具嚟得更爽喎！
售價：約HK$1,047
網址：http://nobessence.com/
同樣玩度身訂造，同樣係等到頸長，但不同之處係重口味玩具都有生產，據WickedWoods官方網站表示，當日成立目的係視木製品為手工藝術，點知愈做愈發現市場欠缺情色藝術，於是決定喺色情界起朵，娛樂自己又滿足大眾，而WickedWoods木棒並非主打貨品，相反後庭塞及極難製造嘅頸圈及手銬先係佢哋強項。設計師以手銬為例，製造兩個對等圓圈經已不容易，加上要做到超耐用，以及每個人手形大小不同，經過多次失敗先可製造一個符合大部分人適用手銬。此外，注重藝術同時亦講求環保，每件木製產品都係100%有機，廠方收到人客柯打後，會按當下環境決定用邊種木材，減低對大自然損害，果然有企業良心呀！呢件Collars & Cuffs木製手銬可按個人要求訂造，造工非常精美，但要自己加鎖先用得！
售價：約HK$960起
網址：http://wickedwoods.co.uk/
追求度身訂造情趣玩具嘅玩家，一定要識Dee Lee Doo，佢可以按個人喜好訂造世上獨一無二嘅木棒，鍾意長、短、粗幼、大細你話晒事，人手製作嘅售價當然唔會平啦！據官方表示假如買家唔想等，亦可直接網上購買現貨產品，售價比較便宜，不過都係嗰句，人手製造，每件紋理或大細都唔會一樣，急住玩嘅不妨諗諗！玩具愈簡單就愈好？咁難怪佢哋嘅Bean木棒永遠都係最暢銷產品啦！全長14.5cm，最粗直徑為3cm，官方強調每支都係木工按當時木材紋理全人手打造，粗幼大細都不盡相同，因此售出後絕不退貨。
售價：約HK$500
網址：http://www.deeleedoo.com/
撰文：祖