渡海濠情:球技不錯 只欠帥哥

今屆世界盃咁多球迷當中,最開心嘅一定莫過於德國隊嘅球迷,之前球隊表現已經甚有王者之風,直至大勝巴西,再喺決賽殺敗阿根廷,球迷們開心到不得了,但嚟自大富豪桑拿嘅德國球迷小敏,仍然有投訴喎!

大感興奮

小敏話:「我投訴佢哋今屆啲球員,好波就好波,但冇乜邊個靚仔,唯一睇得順眼嘅就係決賽時入球嘅功臣馬里奧葛斯,睇落去都幾靚仔吓,而且身材適中,唔似有啲球員吓吓6呎高,走去打籃球都冇問題,你知女球迷一般都唔理你有冇球技,最緊要係靚仔,只要係靚仔,個波一掂腳就會大感興奮,你有本事走到龍門口射波,就算射到打飛機咁樣,都會為你尖叫,嗌到不省人事都大有人在,但今屆靚仔球星真係太少,我都好似冇乜嗌過!」

培養新星

數落真係冇乜靚仔!小敏話:「我一直都留意住佢哋班球員,有經驗兼有啲樣嘅都結晒婚生晒仔,未結婚嘅個樣一定唔多掂,至於班新人有幾個都有幾分帥氣,不過太花樣少年,少咗一種飽經歷練嘅運動員味道,奉勸佢哋今次贏到冠軍,國家對培養未來球員一定會投放唔少資源落去,但揀人時除咗好波,仲要揀啲靚仔至得,否則女球迷唔捧場,你幾好波都冇用,至於我嘅新偶像當然會係馬里奧葛斯啦!就算佢有模特兒女友,我都支持硬佢呀!」

小敏Profile

年齡:21歲

三圍:34-23-34

撰文:小德 

攝影:阿德