英格蘭球星萬人迷碧咸除咗高大靚仔，於球場上仲傳射皆精，一手七旋斬功夫聞名海內外，佢隻右腳亦被稱為黃金右腳，顯示出非凡實力同價值。而喺日本水着界亦有一個擁有黃金H-Cup美巨乳嘅超新星，佢就係可愛又好波嘅星名美津紀喇！
日本水着界索女特多，好多都又後生又好波，童顏爆乳之流更係多不勝數，往日就有酒井若菜，之後就係篠崎愛，到今時今日又有一位接班人，佢就係星名美津紀。美津紀今年5月先剛好18歲，卜卜脆嘅佢樣子甜美、可愛到震，一臉天真稚氣仲極具治愈效果，心情幾憂鬱幾煩悶都好，一見到阿妹，肯定笑口吟吟，心情直如約會到夢中情人咁開心。而大家將美津紀當係夢中情人亦絕對唔會揀錯，因為阿妹除咗青春嫩口，身材仲極度誘人，甚至可以話正到嚇親人！原因係佢胸前仲有一對36.5吋極品爆乳，呢對H-Cup爆乳夠大夠挺夠飽滿之餘，兩峰空間狹小，令其形狀美觀吸引，難怪喺日本水着界有黃金美乳之稱！
美津紀未夠18歲就已出道拍寫真，據聞2011年阿妹去到日本潮流集中地原宿嘅時候，就有藝能事務所嘅人員獨具慧眼，拉住阿妹百般兜搭，終於喺落足嘴頭之下氹到佢做水着妹。憑住美好嘅身段及天真甜美嘅笑容，美津紀火速上位成為耀眼嘅水着新星，仲贏得「黃金新選手」以及「篠崎愛接班人」嘅稱號，氣勢持續強勁。而美津紀除咗於短時間內爭取到強勁人氣，仲幫公司賺唔少錢，因為佢拍嘅寫真DVD多數都銷售暢旺，上年其總銷量更勇奪知名網購網站Amazon嘅第一名添！而美津紀支持者眾，當中更包含唔少阿叔阿伯。點解咁講？事關早前阿妹接受傳媒訪問時候表示，自己嘅初戀發生於幼稚園，仲大膽話當時暗戀一個負責派午飯嘅伯伯，同時透露到家陣依然對成熟男人有興趣，拍拖對象都會揀上咗年紀嘅男人。咁識向成熟男士社群賣口乖，唔支持你又點得喎。
星名美津紀近日一有時間就會去郊區旅行，飽覽不同地區嘅湖光山色，大家如果想知道阿妹又去到邊處郊遊，不妨Click上佢個博客啦，因為阿妹成日都會將旅行時拍低嘅照片放上去。
網址：http://www.diamondblog.jp/official/hoshina_miduki/
年齡：18歲
身高：5呎5吋
三圍：36.5H-24-35
撰文：賢