北京有個男子喺網上識到個「女明星」，兩人仲喺視頻聊天，還以老公老婆咁稱呼，男子為討好女方，送咗好多電子產品作禮物，但後來發現呢位「女星」竟然係男人假扮，嚟自至尊桑拿嘅婷婷就話，邊有人咁蠢o架！
婷婷話：「我都有跟進呢單新聞，你話齋睇相上當都情有可原，但係視頻又見過，電話又傾過，咁都發現唔到真係冇嘢好講。據網上資料講，受害人同女友交往一段日子，一直都被蒙在鼓裏對女友明星深信不疑，有日受害人貪得意，向朋友炫耀一下，點知朋友一睇條片同啲相，就發現唔對路，於是要求受害人徹查，但受害人起初仲唔信，於是一連問咗好幾個朋友，個個朋友都話有唔妥，有啲仲誓神劈願話一定係男扮女裝，佢至去深入調查。」
最後單嘢點呀？婷婷話：「受害人要求同女友見面，但次次都畀女友拒絕，於是受害人就走去報警，最後喺警方嘅協助下，終於喺甘肅將呢個男扮女裝嘅嫌疑者緝捕歸案，送上門嘅電子產品，當然一件都冇得回頭啦！最後總結成單案並唔係疑犯嘅化妝騙術特別高超，而只係受害人色迷心竅而已，因為佢班朋友個個都一眼睇出係男扮女裝，點解只有佢一個睇唔出呢？估計佢可能係宅男一名，身邊冇乜女性朋友，建議佢識多啲女仔就唔會咁易上當啦！」
年齡：22歲
三圍：34-24-35
撰文：小德