於婚禮上，新郎同伴娘搭上，繼而搞出一段婚外情，再化為血案嘅新聞，相信大家亦有聽聞過。老實講，小弟都不時喺出席婚宴嘅時候，識到唔少女仔，而此經驗大家亦一定有遇過。美國一個約會網站，最近就為婚禮偷食情況進行一項調查，證明婚禮的確係引致已婚男女偷食嘅一大戰場！調查訪問過二千名已婚男女（年齡介乎25至45歲），發現有32%嘅男性試過於婚禮當中成功搭上第三者，至於女性則只有11%。不過男士們唔好對伴侶放心住，因為調查同時發現有37%嘅女性於公司搞嘅聖誕聯歡會中，搭上另一位男性，大家如果發現老婆或女友愛上公司嘅聖誕聯歡會，就要小心喇！