【本報綜合報道】日前完成換血嘅魔術，尋日就有新兵積遜李察遜、陶告魯及亞連拿斯首度上陣，可惜三人皆未融入球隊風格，齊齊失準下，魔術以81比91不敵鷹隊，近８場常規賽輸7場，跌入今季最低潮。
近績差劣嘅魔術完成交易後，尋日首度以新陣容比賽，從鳳凰城太陽來投嘅積遜李察遜及舊將陶告魯皆以正選上陣，反而身價最高嘅亞連拿斯就先作替補。不過三人明顯不在狀態，陶告魯全場４射１中得８分、積遜李察遜８射３中得9分，而「狂人」亞連拿斯同樣啞火，11射僅２中得10分。
相反鷹隊表現平均，多達5人取得雙位得分數字，其中以荷福特表現最Sharp，15次起手入10球得24分，另搶下11個籃板球，成為球隊贏波首席功臣。亞連拿斯賽後表示：「我只係與隊友相處了幾小時而已，球隊仍需時間磨合。雖然今場輸波，但我仍然非常興奮可以轉投魔術，我期待重生嘅一刻。」至於領袖杜域侯活就指，今個月係球隊嘅噩夢，希望一切可以盡快過去。
年齡：13歲
身高/體重：1米62/50公斤
威水戰績：09年中學葵青區C Grade冠軍
08年全港小學區際籃球冠軍
08年全港小學區際籃球賽MVP