殺C朗舊愛門神先判4年半

謀殺罪遲啲再審

般奴費南迪斯上年以隊長身份帶領法林明高稱霸巴甲，但卻捲入謀殺案，涉嫌殺害前女友薩穆迪奧。法庭消息指呢位球員一手策劃綁架受害人，並試圖逼佢落咗自己親生仔，單係呢兩條罪已經要坐四年半監，謀殺罪遲啲再審，同案另一幫兇則被判入獄三年。

薩穆迪奧喺今年六月失蹤，警方認為佢被般奴費南迪斯殺害，但未搵到屍體，推斷受害人已被分屍，部分仲拎咗去餵狗，至於兩人骨肉被判由薩穆迪奧媽媽撫養。由於警方已認定般奴費南迪斯係兇殺案主謀，可憐BB整定冇父母照顧。