曾偉忠︰未來靠晒呢班後生仔

曾偉忠表示：「今次港隊打入十六強，令好多香港市民再次關注本地足運，雖然突破分組賽後，未能再創佳績，但呢班後生仔大部分係二十三歲以下，日後港隊嘅前途靠晒佢哋！」

阿曼玩嘢欠體育精神

上仗對孟加拉射入兩球嘅歐陽耀冲，今仗表現失色，更被在場球迷高呼換佢出場，曾偉忠認為「歐冲」確實有改善必要：「今次亞運係一次好機會，等佢可以更加了解自己嘅能力，我認為佢可以更有鬥心，踢得更加硬淨，好似盧均宜同郭建邦咁，雖然身材輸蝕，但一啲五五波一樣同對手拍，可謂鬥志可嘉。」

此外，曾偉忠對於阿曼球員領先後經常「詐傷」倒地，要港隊球員將波踢出界感到無奈，佢認為對方刻意拖延時間，有欠體育精神。