火箭4連敗姚明苦笑聖誕至開齋

雖然姚明取得今季新高十五分，但火箭昨日主場仍以九十九比一○七不敵黃蜂，開季四連敗。「蜂王」基斯保羅今場狀態大勇，得分助攻瓣瓣掂，助黃蜂開季四戰四勝，同全敗嘅火箭形成強烈對比。姚明賽後苦笑，話希望喺聖誕前開齋！

姚明今場上陣廿一分鐘，取得今季最高嘅十五分，可謂交足功課，可惜隊友唔爭氣，喺關鍵時刻守唔住基斯保羅，導致球隊最終以八分落敗，仲畀自己球迷柴台。姚明坦言對戰果感到失望：「今場輸波關鍵是下半場防守出現問題，希望在聖誕前贏到波啦，哈哈！」

基斯保羅今場取得廿五分、八次助攻同七個籃板，投射命中率達五成八，不過，黃蜂嘅連勝紀錄將面臨嚴峻考驗，因為佢哋將於明早迎戰熱火，「蜂王」大戰「閃電俠」同「大帝」，呢個對碰實在值得期待。（無綫明珠台周六早上8時直播）

另一當弗球星係湖人嘅高比拜仁，佢尋日食出職業生涯第十七次大三元，取得三十分、十二次助攻同十個籃板，帶領湖人作客贏帝王一一二比一○○，明日返主場迎戰速龍。

76人 101:75 溜馬

鷹隊 94:85 活塞

籃網 83:85 山貓

魔術 128:86 木狼

塞爾特人 105:102 公鹿★

火箭 99:107 黃蜂

金塊 101:102 小牛

爵士 125:108 速龍

太陽 110:112 馬刺

快艇 107:92 雷霆

勇士 115:109 灰熊

帝王 100:112 湖人

註：★為加時　前者主場

火箭4連敗 姚明苦笑聖誕至開齋