姚明復出贏口碑

火箭僅輸湖人兩分

火箭頭三節均領先主場嘅湖人，直至第四節先畀主隊反先，火箭完場前兩秒有起手機會，可惜布魯克斯上籃失敗，最終輸110比112。今仗得分最高係29分嘅湖人中鋒加素，另外高比拜仁亦有27分進帳。火箭主將奇雲馬田則貢獻26分。

姚明今仗上陣23分鐘，取得9分及11個籃板，表現不俗，佢比賽後立即返回更衣室敷冰，好好保護雙腳。打完呢場揭幕戰，姚明喺今日作客勇士嘅賽事將休息，以免操勞過度。