波衫熱潮唔着唔潮

買衫仲要燙埋字

英格蘭喺香港擁有最多fans，波衫嘅銷量一向最好，但由於今次主場球衣嘅款式太過清淡，加上主場嗰款一年前已經推出，所以銷情只屬一般，反而西班牙有費蘭度托利斯、韋拿、法比加斯等偶像派球星壓陣，銷路相當理想，由於七成人買波衫都會印號碼同人名，預計稍後公布正式球衣號碼後，將掀起新一輪搶購潮。

除傳統勁旅外，款色獨特嘅日本隊都有客路，球迷亦鍾意印埋字，不過唔係印中村俊輔或稻本潤一，而係印戴志偉或小志強，因為今年係長青漫畫《足球小將》三十周年，故好多粉絲都想順便紀念一下。