過江女神：補炮靚湯牛鞭＋水魚
廣東人最叻煲湯，其中最有名嘅就係老火湯，即係放晒所有材料落去，慢火煲幾個鐘頭嘅靚湯。今日要介紹嘅過江女神，佢雖然唔係廣東人，但竟然煲得一手好湯，唔少老友飲過都讚不絕口。
男女飲得
呢個咁叻煲湯嘅囡囡，就係嚟自至×桑拿嘅小圖，今年19歲，咪睇佢人仔細細，原來經驗十分豐富。大家咪心邪，我指嘅係佢嘅社會經驗，小圖自畢業後就做過唔少工作，其中一份仲喺間食肆嘅廚房幫手，工作就係專責煲老火湯。小圖話：「以前都唔知老火湯係乜嘢，但做咗兩個幾月湯水妹之後，就學識乜嘢叫做老火湯，而且仲知道好多煲湯嘅秘訣添！」
咁有冇煲過畀人飲呢？小圖話：「我得一個人住，啲屋企人就無福消受，但如果有朋友嚟探我，我就會親自下廚，煲啲靚湯畀佢哋飲！」咁係咪男朋友先？佢一笑：「朋友梗係有男有女，無論男朋友定係女朋友，我都唔會大細超嘅！」
師傅教落
廣東老火湯除咗好飲之外，仲有藥療作用，唔知小圖又識唔識煲啲補男人嗰度嘅老火湯呢？小圖話：「我喺食肆返工時候，師傅教過我，例如煲乳鴿或者水鴨湯等，對女性會好滋陰，而男人最好嘅就係牛鞭，嫌唔夠霸道，落埋水魚去煲就冇得頂嘞！」
小圖咁識得煲湯，娶咗佢做老婆就可以日日有靚湯飲。小圖話：「呢層絕對冇問題，但好可惜我只識得煲湯，唔識得整菜，所以以後揀老公，一定要揀個識整菜嘅，否則我哋就會餐餐用老火湯撈飯啦！」又唔使講得咁悲嘅？或者老公大把錢，有工人煮飯，小圖只負責大婆靚湯呢！小圖話：「男人出去做嘢好辛苦，一定要有湯水補充吓！」小圖咁溫柔體貼，而且又識煲湯，大家不妨諗諗佢！
小圖小檔案
年齡：19歲
三圍：34-23-34
興趣：煲湯
撰文：小德
攝影：阿章