金塊爵士最激之戰

金塊最終只能以西岸第四位完成常規賽，球員無疑略為失望，不過名次已塵埃落定，球員只好專注對爵士，求首圈出線。主隊最令人擔心依然係卡爾教練嘅缺陣，呢位名帥自從喺三月宣布患上咽喉癌要養病後，球隊戰績大為退步，最後13場常規賽就輸掉7場，但慶幸球隊今季對賽力壓爵士，獲3勝1負佳績。爵士方面，正受傷患困擾嘅大前鋒布沙賽前表明，無論如何都會上陣比賽，至於基里蘭高亦有望傷愈復出，有力與對手周旋。

拓荒者首圈肯定冇萊爾

另方面，拓荒者後衞萊爾已決定進行右足手術，預計至少要休息四至六星期，所以肯定會缺席首圈對太陽嘅賽事。今次萊爾受傷可謂對球隊造成極大打擊，因拓荒者早前已有奧登、比沙比拉等主力收咧，幸好艾迪列治已擺脫傷患可在首圈復出。