爵士回勇擊落火箭

有皮雅斯缺陣，加上陣營受到流感侵襲嘅塞爾特人，面對曾十二次交手全勝嘅魚腩部隊籃網，由第二節開始一直落後，客軍夏里士、哥特尼李爾同布克盧比斯三位主將亦齊齊發威，夾埋貢獻咗六十九分。賽前籃網嘅贏波率唔夠一成，塞爾特人就超過六成，今次「綠軍」唔單止令球迷跌到一地眼鏡，仲帶挈籃網炮製近年五大冷門戰果之一。

另一仗，爵士的迪倫威廉士全場十七射十三中攻入三十五分，再交出十三次助攻同搶到七個籃板球，加上全隊射入十四個三分波，最終以一三三比一一○挫敗有奇雲馬田射入三十二分嘅火箭。輸波嘅火箭雖明日返主場出擊，但防守專家阿利沙上陣成疑，作客速龍有機會贏波。