昔日曾與「尹佬」一同為港隊取得豐功偉績的「蠱惑仔」劉榮業，坦言發起今次紀念賽，乃希望為剛離世的「尹佬」做番啲嘢：「我哋識咗好耐，佢走咗，大家都好難過。『尹佬』有好多朋友，亦有好多球迷鍾意佢，發起紀念賽係想有個機會，等大家可以透過足球更加想起『尹佬』。」

設悼念區供各界憑弔

今日紀念賽由下午二時展開，會由「尹佬」一班舊隊友及晚輩組成的尹志強紀念隊，與由「尹佬」生前好友為班底的晨曦元老足球隊對壘，直至晚上八時。大會亦設悼念區，供各界憑弔「尹佬」，另在下午五時為尹志強進行一分鐘默哀儀式。

周文曦籲球迷到場支持

至於「尹佬」的好友、晨曦班主之一的周文曦，寄望喜歡「尹佬」的朋友及球迷，今日都可以抽空到場支持，以一份心意送別這位香港球壇大英雄：「『尹佬』既係我哋幾兄弟嘅偶像，亦係我哋嘅好朋友。佢係大好人一個，深受球迷同朋友愛戴，大家都會永遠懷念佢。」

「阿曦」表示雖然「尹佬」已光榮上路，但其樂於助人的精神將會長留大家心中：「『尹佬』生前教識我哋一樣嘢，就係無論眼前嘅人識定唔識，只要係遇到麻煩嘅，都會主動提出協助，呢份好高嘅情操，值得我哋學習同永遠保留。」

尹志強紀念足球賽

地點：灣仔修頓球場

時間：下午2時至晚上8時

尹志強紀念隊Vs晨曦元老足球隊

現場設置「尹佬」悼念區

下午5時全場默哀儀式　

尹志強紀念隊

球員：劉榮業、劉榮根、陳發枝、梁帥榮、黃國安、黎新祥、鍾楚維、鄧鴻昌、朱國權、馮志明、李桂雄、蔡育瑜、郭家明、陸志強、陳萬安、李龍國、李潤華、招重文、潘文俊、潘文迪、蔣世豪、盧福興、盛偉聯、施維山、陳樹明、劉棟平、何容興、張志德、譚亞福、白彪

晨曦元老足球隊

領隊：余錦基、周文亮、洪祖杭

球員：山度士、譚詠麟、曾志偉、陳百祥、甄力健、陳發枝、張志德、吳家樂、蔡滿祥、周文舜、周文慧、周文曦、鄭丹瑞、鄧健明、李雨陽、李福榮、古廉權、曾廷輝、張家平、黃桂平、何容興、衞志豪、黃興桂、黃日華、關禮傑、尹揚明、陳榮俊