12投0中好羞家

騎士早前送走伊高斯卡斯到巫師，換入射手占美臣，占美臣今季喺巫師交出平均22.2分，狀態及穩定性都夠，可惜首披騎士戰衣竟然表現緊張，全場12次起手冇次中，當中三分球更出現「大針」，激到騎士迷紮紮跳！至於占士自己亦唔算突出，14射僅6中得22分，結果山貓憑史堤芬積遜攻入全場最高29分，以110比93贏波，連續三次擊敗騎士。

占美臣賽後非常自責：「我應承大家，今晚嘅表現唔會再發生！」至於同樣換血後嘅小牛，就以95比85擊敗魔術，新兵卡朗畢拿及希活均交出15分以上，表現對辦。