本文重點
【本報綜合報道】紐約人同山貓兩支東岸中下游球隊都希望可以「掹車邊」入季後賽，尋日兩隊對決，主場嘅紐約人憑臨完場前一輪「三分雨」，以97比93力挫東岸第七嘅山貓，當中單係加連拿利一個全場已經射入五個三分。雖然紐約人擺明為籌備來季羅致勒邦占士或韋迪等大牌自由身球員，唔太在意近兩季成績，不過佢哋現時以十五勝二十負排在東岸第九，又唔算太差喎！
艾斯頓重投熱火
最終紐約人以四分之差擊敗山貓取得三連勝，兼攞到近十六場比賽第十一場勝利。
另外，巫師球星阿連拿斯因與隊友賭啤牌及在更衣室藏械搞到一身蟻，籃網為免有球員重蹈覆轍，會長科朗日前即通告隊員，不得在球隊的航機上進行賭博。
另外，在周二與籃網解約的前魔術控衞艾斯頓，昨日正式落實回巢投効熱火。