港隊上半場廿一分鐘打開紀錄，黃展鴻開出角球，陳偉豪禁區搶點成功頂入成一比○。九分鐘後，黃展鴻禁區右邊「趟」射又得手，以二比○領先。去到四十五分鐘，南韓由高旼奇射入，追成較接近嘅一比二完半場。

換邊後，港隊繼續施壓，六十五分鐘，南韓門將姜成一傳送犯錯，陳肇麒偷走皮球後，再交畀徐德帥射成三比一。八十一分鐘，香港由陳肇麒「埋齋」成四比一。

陳肇麒入波送行

陳肇麒賽後高興地表示達到賽前兩個心願：「又贏波、又有入球，證明香港足球唔係地底泥。上次亞洲盃外圍賽輸給日本，但今場還有大批球迷支持，真係好感動。」