假難民姦淫擄掠，無惡不作，而且手法層出不窮，沒有做不到，只有想不到，有人形容由得呢班瘟神湧港，唔單止開門揖盜，直頭同引入恐怖主義冇乜分別，真係一啲都冇誇張。
呢嗱，話口未完又出事嘞。警方特別職務隊尋日凌晨喺元朗搗破一個販毒集團，檢獲總值逾十萬元毒品，懷疑有南亞裔人士喺區內利用的士派貨。而最特別嘅係，被捕人士當中除咗有持行街紙嘅巴基斯坦籍人士，亦有一名懷有七個月身孕嘅印尼籍持行街紙女子，相信係集團用嚟打掩護之用。
冇錯嘞，上述手法似曾相識，正正係恐怖組織發動自殺式人肉炸彈襲擊嘅慣技。前排之嘛，伊斯蘭極端組織「博科聖地」就利用十二歲女童以及智障婦女充當人肉炸彈客，喺喀麥隆發動襲擊，造成近四十人死亡。
鬼咩，執法人員見到老弱婦孺，防範之心自自然會鬆懈，就算真係有所懷疑都未必狠心落到手。相傳上世紀七十年代中越邊境戰爭，越軍經常派裸體女兵衝鋒又或者派手無寸鐵嘅老婦打頭陣，捉嘅就係呢個心理。可以想像，假難民兵團如果大肆利用呢一招，執法部門防不勝防，市民肯定有得震冇得瞓。
係人都知，極端組織招募人肉炸彈戰士，無非都係「利誘」對方死後可以上天堂，香港就唔同嘞，大肚婆「執行任務」固然冇生命危險，而且唔使等到上天堂至攞到着數，事關香港監獄服侍周到，孕婦服刑期間每日有早、午、晚同消夜四餐，營養攝取量跟足醫生建議，並由專人安排到公立醫院接受產前檢查以及進行分娩。咁都未算最盞鬼吖，以上服務全由香港納稅人埋單，雙非婦用錢都買唔到，恨死隔籬。假難民兵團招募孕婦，話都冇咁易。
講番呢單大肚婆懷疑運毒畸士，仲有一點好值得注意。根據警方所講，有關販毒集團活躍於元朗及屯門區，毒品主要供應區內嘅南亞裔人士。咁就說明咗兩點︰第一係南亞幫喺區內人多勢眾，聲勢浩大，淨係毒品生意都可以自給自足，不假外求。另外就係唔少假難民有餘錢吸毒，你話淨係靠政府津貼，三歲細路都唔信。唔使問阿貴，當中大部分梗係靠食大茶飯賺嚟嘅黑心錢，南亞兵團之為社會毒瘤，又一明證。
難為保安局前排沾沾自喜，話自從港府全面檢討處理免遣返聲請策略後，非華裔非法入境者以及尚待審批聲請個案雙雙下跌，實情係滯港嘅假難民已成尾大不掉之勢，再唔退出國際難民公約，釜底抽薪解決問題，香港遲早畀佢哋累死！