女人唔易做，索女更加難做，事關索女嘅言行總係成為「葡萄女」嘅焦點，若然表現熱情嘅話，就會畀人話發姣，相反沉默寡言，又會畀人話佢扮高竇。而南韓模特兒閔宥琳擁有一股媚惑氣質，憑住親切態度而成功入屋，深受女粉絲歡迎。
有人話想成為人氣模特兒要識得宣傳自己，若然冇人識，即使外表有幾索都好難獲得注意；不過亦有人話最緊要低調，否則會成為被圍攻嘅對象。呢兩種講法都有道理，只係喺南韓首爾出生嘅閔宥琳，卻覺得呢啲都唔係佢所關注嘅問題。佢喺讀書時期已經兼職做攝影模特兒，認為工作最重要係安守本分，喺適當嘅時候要識得表現自己，但亦唔可以太過高調，否則會有喧賓奪主嘅感覺。點解佢會對模特兒工作有如此深入嘅理解呢？原來佢身邊有唔少朋友從事模特兒工作，因此擁有迷人樣貌以及玲瓏浮凸火辣身材嘅佢，早就計劃進軍模特兒界，而得到前輩嘅提點，難怪佢對模特兒工作如此了解。講到火辣身材，佢嘅三圍相當有睇頭，尤其係一對迷人巨乳，輕易成為大家嘅焦點，故此喺佢從事兼職攝影模特兒工作期間，取得頗高人氣。
不過，佢知道如果未來想喺模特兒界發展嘅話，單憑外表係唔足夠，而且佢希望將來進軍演藝界及開設模特兒事務所，為咗達成目標，佢考入同德女子大學並修讀廣播及娛樂學士學位，為未來嘅演藝事業鋪路，甚至為咗學業而不惜暫別模特兒界一段時間。而佢呢個決定絕對正確，畢業後不但對演藝事業有更深入嘅認識，外表變得更成熟迷人，而且多咗一份妖媚魅力，加上親切待人嘅性格，令人為之心動。
2013年宥琳正式成為職業模特兒，憑住優秀外形、誘人氣質及親切性格，好快就喺業界打響名堂，事務所見到如此好反應，同年便安排佢參與大型模特兒演出工作，喺一個室外車展活動中以車模身份示人。雖然佢首次喺公眾場合演出，但係佢一啲都唔緊張，因為就讀大學時便已有大量公開演出經驗，故此佢唔擔心自己會因緊張而表現失準，反而擔心自己未能做好車模嘅本分，為此佢花咗唔少時間練習擺甫士，難怪佢首次演出便備受好評，而佢更憑住性感嘅車模制服展現出火辣身材，成為展場上嘅焦點，令人氣大爆發！
初演成功之後，宥琳嘅工作量大增，先後為多本時尚、男性、美容等雜誌拍攝造型照及寫真，又化身成車模喺多個大型車展上登場，同時佢又化身成賽車女郎喺亞洲勒芒賽南韓站中亮相，另外佢亦係一位人氣Show Girl，只要有大型嘅商品展示活動，都會見到佢嘅身影。隨住人氣不斷攀升，2015年事務所推薦佢參加第4屆南韓賽車女郎賽，結果獲得最佳才藝獎，令事業更上一層樓。雖然佢喺模特兒界獲得亮麗成績，但係佢坦言不忘自己當初嘅理想，並且會一直向住目標而努力。
簡介：閔宥琳性格親切，演出時會盡力配合攝影師嘅要求，而喺大型活動中更會對觀眾表現得相當熱情，甚至連粉絲嘅名字亦會記得。如此一位親切又具魅力嘅索女，試問又點可能唔成為大家嘅女神呢？如果大家想了解佢多啲，就要Click入呢個網站喇！
網址：http://cafe.daum.net/minyurin
出生地：首爾
身高：171cm
三圍：34-24-34
撰文：魂