外匯基金首三季成績表出爐，投資收入達一千八百九十八億元創新高！金融管理局總裁陳德霖解釋，話係股票市場做好先咁好賺。呢鋪豬籠入水，但佢同時又呼籲市民睇定啲先，仲話市場估值每個月都變，唔可以預測定下一季嘅回報表現喎，又話要留意吓美國通脹及利率未如市場預期般溫和等等嘅問題。佢攬住咁多錢講呢啲說話，好似冇乜說服力，班股民聽唔聽佢支笛呢？
