荃灣區議員林琳（左）最近訂婚啦，仲大晒鑽戒添！林琳曾經因為區議員嘅身份，令到冇男仔敢埋身，好幾年都冇拖拍，後來就同一個細過自己嘅男仔Vincent（右）譜出一段姐弟戀，對方都對佢相當好，仲陪佢落區添，男朋友最近向佢求婚，林琳應承咗，依家升呢做咗未婚妻，姐弟戀修成正果，真係令人開心！林琳話研究緊下年十二月結婚，因為天氣好預啲，又話想快啲生BB，而未婚夫好鍾意生女喎，依家要調理好身體先。聽落好快開枝散葉嘞！
（互聯網）
