政情：病童逝世 激發周啟東赴德學師
香港首間兒童醫院明年正式投入服務，兒科醫生已準備好救治病童。兒童心臟基金會副主席兼兒童醫院專科服務籌備專員（心臟科）周啟東醫生其實一直都為病童服務，日前喺基金會慈善籌款活動時，行醫逾三十年嘅佢憶述十七年前一個兒科個案，令佢的起心肝同幾個醫生遠赴德國「學技」，返嚟香港救番另一個因心臟問題受苦嘅小朋友。周醫生學有所成返港，○四年用新技術，救番另一個患心肌炎嘅病人。
徐德義自認少做運動
雖知做運動可以強身健體，但同場嘅食物 及衞生局副局長徐德義就話自己好少做運動，最多都係行吓街。至於食衞局終於齊腳，新政助鄭守崗上場，徐德義就話未同對方合作過，相信日後大把機會溝通合作喎。徐德義亦不忘呼籲，叫大家多多益善，希望基金會善款可以創新高咁話。
同樣有參與籌款嘅兒童醫院行政總監李子良就話自己平時都會游吓水，一星期仲游夠兩至三次，認真勤力。佢話兒童醫院喺明年第四季就可以投入服務，希望到時兒科服務會比依家更好喇！