大隻男偷怕羞草 店主促好好栽種

被盜走怕羞草屬元朗安興街一間寵物美容店。事發於上周六晚上約十時半，一名年約二十多歲，身材健碩的男子獨自走到花堆前檢視，期間檢走一個小盆栽細看，對其愛不釋手，考慮一會後，便直接將盆栽拿走。

店主事後公開閉路電視片段，斥責「我想講我哋係有Cam嘅，自己大大隻隻去偷人哋盆草，你要種子我可以畀你，你想知點整水泥盆我可以教你整。」又稱「種植物，養寵物都係當自己啲仔女咁，假設你個仔或者個女或者你認為重要嘅嘢，被人偷咗又會有咩感受呢？」

炮轟一輪後，店主又苦口婆心提供一些栽種貼士給對方，「你偷咗我嘢，但我都希望你對佢好啲，每日曬太陽，泥面乾就要淋水，過多半個月要轉一個有疏水嘅盆，因為我個水泥盆係失敗作，底下冇洞疏水，如果唔轉盆會浸爛啲根，三個月後要落肥。」而網民亦對店主遭遇大表同情：「我都試過喺公司畀人偷咗盆植物，心痛死。」