近期不少的士司機被發現於行車時同時操控十三部電話以方便「接客」，立法會交通事務委員會多名議員批評此舉影響行車安全，要求立法打擊呢啲危險情況。不過，運輸及房屋局副局長邱誠武就歎慢板，一時話擔心立法會擾民，一時又話立法前要有數據同研究支持，結果被議員批評「唔死人唔做嘢」！有議員指邱誠武有政府座駕接送，如果有朝一日佢搭正一架裝有多部電話嘅的士，而司機又掛住睇或聽電話唔專心駕駛，唔知有乜感受呢？希望佢唔會成為立法數據之一啦！
